嘔

自問腸胃一向無乜問題, 最多都係間時肚痛, 但都好少發生.

話說琴日一早起身, 因喉嚨痛, 空肚飲左杯鹽水, 之後就出門口返教會. 返到教會, 只係覺得有D頭痛, 而且無乜力. 我估都係因為未食野, 所以就無乜理會. 聽道聽到一半, 開始感覺個胃有D 唔舒服, 想嘔想嘔, 最後頂唔順就去toilet 嘔. 其實乜都無食過, 嘔出黎都係水. 嘔完一次, 返入大堂, 以為自己血糖低, 食左兩粒朱古力頂一頂. 
之後到領聖餐, 食完塊無酵餅, 都未祈完禱我又想嘔, 諗住坐下會好D, 但都頂唔住, 去toilet 嘔多次, 仲出冷汗. 再返入大堂領葡萄汁, 又無事, 證實液體係無事!

嘔完兩次, 個人都無乜力, 有D 凍. 一心諗住快快食野會無事, 點知lunch 食左一口就即刻嘔~~ 個胃唔舒服, 又落雨, 又凍...一個人去藥房買D胃藥, 再去買粥返屋企. 咁耐以來我只食過一次胃藥, 今次係第二次. 食左幾口粥, 完全無胃口再食, 無肚餓感, 只覺得好想嘔. 跟住又嘔返晒出黎...
心諗"大鑊, 食乜都嘔, 今晚仲要團年, 實無得食啦!" 又無力, 落大雨, 等到6點幾, 再試食多次, 唉~, 今次仲嘔得勁, lunch都嘔返出黎! 阿媽又話整好晒餸, 無計啦, 只有睇住佢地食.

最後去睇急症, 等成粒鐘, 醫生都唔確定係乜事, 又無肚痛, 又無瀉, 話可能係肚炎...打支止嘔針, 又驗尿, 仲要等多一個鐘...期間等左半個鐘, 我走去同姑娘講問:

我: "係咪一定要等足一個鐘?"
姑娘 "係, 你出去等叫你名"
我再話 "早少少得唔得?"
姑娘 "你係咪趕時間? 你有冇好D?"
我話 "唔係, 因為我只係一食野先嘔, 我全日都無食過野, 想睇下可唔以早D?"
姑娘 "o我~ 咁你叫咩名? 你出去等一等."

最後, 都係要等一個鐘....

 今日sick leave, 本來佢仲開左D 止嘔藥, 不過要去攞. 我見咁大雨, 唔食藥試下就咁食粥, ok wor! 不過胃口都係無乜. 今次真係深深體驗到 "食得是福" !

兩面人

我相信每個人都有起碼兩種對人的口面. 最起碼,工作時一種, 對家人時又有第二種.

在工作環境中, 不是因為人本身的虛偽, 只是要保護自己, 而且有幾多同事可以到交心的情度? 所以對別人, 別人對自己的了解只是表面. 不過其實, 一些小動作, 一些做事手法已經可以了解到最基本, 可以話這個人的基本價值觀也可以知道一二, 也成為保護指數的指標.

對家人, 因為是親人, 感覺應該係安全的, 所以往往最真一面是家人才會見到. 那些小動作, 就算未做出來都已經知道! 或許會產生許多的爭執, 但就因為大家都了解對方真正的感受, 真正的想法, 關係是最長, 感情是最深. 想一想當有病, 最想見的會是誰? 最想被誰人關心?

Good leader

I don't know I can be a leader, won't even think about being a good leader. But it's definitely a good try, at least a good step forward after nearly a decade in here.

Is it You want me to do?

何人無罪?

他們還是不住的問他、耶穌就直起腰來、對他們說、你們中間誰是沒有罪的、誰就可以先拿石頭打他．於是又彎著腰用指頭在地上畫字。他們聽見這話、就從老到少一個一個的都出去了．只剩下耶穌一人、還有那婦人仍然站在當中。耶穌就直起腰來、對他說、婦人、那些人在哪裡呢．沒有人定你的罪麼。他說、主阿、沒有。耶穌說、我也不定你的罪．去罷．從此不要再犯罪了。 (約 8:7-11)

無一個人是無罪的, 無人能站在道德高地上定人有罪, 因為我地都係罪人, 不要看自己那麼重, 因為在神眼中, 我地係只係微少的被造者.

包容的心在哪裡呢?

第一首

好多年前曾經為教會活動 (好似令會) 作過一首, 當時太green, 唔太合一班人唱. 時隔多年後, 今年再作光嘗試, 第一次為團契寫一首歌. 完成曲詞時間其實都算快, 但後其電腦做demo, 因太耐無做, 技術問題用左3晚時間先完成2分鐘短版demo, 錄音仲要錄到星期六5點幾, 真係到選團歌前先完成.

其實寫歌詞o既時候, 想著合一, 同心, 加上自己心情同經歷而寫. 希望首歌不只在團契, 而在整個教會中都合用. 感恩神給我恩賜, 知道恩賜如果唔用, 神係會收返. 目標今年可以的話作多幾首.

其實首歌我仲想做好D, 想做返一個完整版本. 今日奇想, 如果整個大合唱版本, 效果應該唔錯...

整頓

無有特別期望的入冬令會, 過了3天, 也沒有特別強烈的得著要為主作什麼. 不過就有種強烈感覺, 2010年事奉上會有好大沖擊.
其實未入令會, 我已經有種感覺要整頓, 經過令會後, 改革感覺更強! 無論自己, 或是事奉, 目標明確不少, 但除之而來是一種壓力.

不過我相信有危就有機, 新人事, 新思維, 新沖擊. 09 年就快過去, 2010 年相信不會平平安安的過. Let's fight in 2010!

年尾短記

讀完書, 本以為會空閒, 但係都無事忙...

1. 完成婚宴中彈琴, 算係不過不失, 不過出奇地唔緊張, 可能當時focus 唔係我身上所以相對輕鬆.
2. 唱詩唱第一首歌時, 見新娘感動流淚, 我突然都想喊而唱唔到. 但同自己講, 今日係為佢地唱詩, 唔可以失聲, 一陣唱唔到個 joy 咪死?! 睏一陣, 冷靜落黎再唱返!
3. 定左2/2 考車, 有一個多月時間練習, 目前為止都未開過車, 不過話晒有幾年路面經驗, 應該無咁驚, 希望一take pass!
4. 冬令會要做詩琴, 收到song list, O 咀...有40首歌, 仲多過人地演唱會!!!
5. 一個月來 send 左大大話話都有10份, 未有回覆. 我份人好心急, 係咪想我等多陣?
6. 最近每晚都發夢, 一係就鼻塞到醒, 好想有晚一上床就到天光!
7. 12 月到, 每年年尾一定好多事要參與. 其實09 年, 年頭估計係辛苦年, 年尾到, 咪又係咁過...不過諗真D, 身邊好多事情發生左, 又有好多人同事都變左. 世界真係轉得太快, 突然覺得好快個世界就會完, CERN 個粒子實驗預計年半, 兩個粒子就會去到最高速, 到時相撞, 係咪真係會好似理論咁講會有黑洞呢?! 全球暖化得咁快, 十年內係咪無晒北極熊?

有咩心願未了, 我諗都係快D 完成好!!